முடியும்!

கூழாங்கல்லும் குறுக்கலையை ஆக்கும்
ஒற்றைச்சொல்லும் வன்முறையை தீர்க்கும்
முட்டைச் Cell உம் உயிரினம் தரும்
வெற்றுக்கதையும் இலக்கியம் ஆகும்
பட்டுப்புழுவும் வாணிபம் செய்யும்
உப்புக்கடலும் குடிநீர் சிந்தும்
யாரும் வீண் இல்லை
நீயும் காண் எல்லை
உன்னாலும் முடியும் என்று
எந்நாளும் உணர்தல் நன்று

ரோஜாவும் அவளும்

உன்னை விட அழகி
நீண்ட நாள் பழகி
ஏற்க மறுத்தாள் உன்னை
பார்க்க வெறுத்தாள் என்னை

உன்னை விட வாசமாய்
அவள் மீது பாசமாய்
முட்கள் இல்லாத நீயோ
சொற்கள் இல்லாத அவளோ

உன்னை நன்று மதித்து
என்னையும் மீண்டும் நினைத்து
என்றாவது மீண்டு வருவாள்
அன்று வரைக்கும் உதிராதே!!!!