நற்சான்று

புனல் இல்லா வயலில்

எரிமலைக் குழம்பு பாய்ச்சி

பூக்க நின்ற செடியில்

எரிஅமிலம் ஊற்றி

மூன்று வேளையும் விருந்து தந்து

முடிவினில் சொல் விஷம் தந்து

உயிரோடு புதைத்த

இடுகாட்டுப் பயணம்

ஈனப் பெயர்களால் கவி

இரத்தம் ஊறிய செவி

தூக்கம் தொலைந்தாலும்

துக்கம் தொலையவில்லை

நற்சான்று என்ற பெயரில்

நாவினால் வீண் பெயரில்

சேற்றை வாரி உமிழ்ந்த

நான் பன்னீரில் வைத்திருந்த மைம்மா